Главная » 2008 » İyul » 22 » "Əgər xəyanət və rus ordusunun köməkliyi olmasaydı, ermənilər heç vaxt Ağdamı ələ keçirə bilməzdilər"
23:24
"Əgər xəyanət və rus ordusunun köməkliyi olmasaydı, ermənilər heç vaxt Ağdamı ələ keçirə bilməzdilər"
"Əgər xəyanət və rus ordusunun köməkliyi olmasaydı, ermənilər heç vaxt Ağdamı ələ keçirə bilməzdilər. Hazırda isə Ermənistan rəhbərliyi işğal altında saxladıqları bütün ərazilərdə talanla və erməni əhalisinin qanunsuz məskunlaşdırılması ilə məşğuldur". Bu fikirlər “15 il erməni əsarətində olan Ağdam” mövzusunda keçirilən dəyirmi masada səsləndirilib.
"Azərbaycanda miqrant və məcburi köçkünlərin hüquqlarının müdafiəsi”, həmçinin “Həsrət yolu” əsir və girovlara kömək ictimai birliyinin birgə təşkil etdiyi tədbirdə iştirakçılar, BMT-yə, Avropa Şurasına, ATƏT-in Minsk qrupunun həmsədri olan ölkə başçılarına və beynəlxalq Qırmızı Xaç Komitəsinə müraciət qəbul ediblər. Müraciətdə adıçəkilən qurumlar, Azərbaycanın ərazi bütövlüyünün təmin olunmasında, Dağlıq Qarabağ münaqişəsi zamanı əsir və girov götürülmüş Azərbaycan vətəndaşlarının qaytarılması, o cümlədən itkin düşmüş insanların taleyinə aydınlıq gətirilməsi istiqamətində konkret tədbirlər görməyə çağırırlar.
