Müştərilərin ödəmələri ümumi fonda daxil olur, sonra isə şəriət qanunlarına əsasən istehsala yatırılır. Təbii ki, spirtli içkilər və faizli ödəmələrdən söhbət gedə bilməz. Fonddan bütün sığorta halları üzrə ödəmələr həyata keçirilir. İlin tamamında artıq vəsait qaldığı halda, pullar müştərilərə növbəti il üçün güzəştlər qismində qaytarılır.

«Salam» əsasən Böyük Britaniyanın 1,5 milyonluq əhalisinə xidmət göstərmək üçün yaranıb. Amma şirkətin rəsmi saytında dini inancından asılı olmayan hər bir britaniyalının şirkətin potensial müştərisi olması haqqında məlumat verilir. Son zamanlar dünyanın müştərilərinə islam normalarına uyğun olaraq xidmət göstərən şirkətlərinin sayı durmadan artır. Müsəlmanlara göstərilən maliyyə xidmətləri dünya bazarında hər il 15 faiz artır. 2007-ci ildə bu göstərici 480 milyard dollar təşkil edib.