Çerşenbe axşamı, 19.03.2024, 13:40
Приветствую Вас Qonaq | RSS

islam dini

Bölmələr
    Şiə cavabları
    Sorğu
    Saytı qiymetlendirin
    Cəmi cavab: 6951
    Sayğac

    Onlayn: 1
    Qonaq: 1
    İsifadeçi: 0
    Форма входа

    Meqaleler kataloqu

    Главная » Статьи » Dini meqaleler

    MƏHƏMMƏD PEYĞƏMBƏRİN(S) RAMAZAN AYININ GƏLİŞİ MÜNASİBƏTİLƏ
    MƏHƏMMƏD PEYĞƏMBƏRİN(S) RAMAZAN AYININ GƏLİŞİ MÜNASİBƏTİLƏ
    BUYURDUĞU “ŞABANİYYƏ” XÜTBƏSİ
    Həzrət Əli(ə) buyurur:Məhəmməd peyğəmbər(s) şaban ayının son
    gülərinin birində Ramazan ayının gəlişi münasibətilə bu xetbəni buyurdu:
    “Ey camaat! Allahın ayı (Ramazan) bərəkət, rəhmət və əfvlə birgə sizə
    doğru üz gətirmişdir. Bu ay Allah yanında ayların ən yaxşısıdır. Bu ayın
    günləri ən dəyərli günlər, gecələri ən gözəl gecələr, saat və
    ləhzələri ən üstün saaatlar və anlardır.
    Bu ayda siz Allahın qonaqlığına dəvət olunaraq, Tanrının lütf və
    mərhəmətinə layiq görülmüsünüz. Bu ayda sizin nəfəsləriniz zikr,
    yatmağınız isə ibadətdir. Pak əməlləriniz və dualarınız Allah
    dərgahında qəbul olacaqdır.
    Belə olan halda xalis niyyət və təmiz qəlblə Allahdan sizə bu ayda oruc
    tutmağın və Quran oxumağın müyəssər olması üçün kömək etməsini
    diləyin. Çünki doğrudan da, bu əzəmətli ayda İlahi rəhmətindən məhrum
    olan şəxs bədbəxtdir.
    Ramazan ayında ac-susuz qalaraq, Qiyamət gününün aclıq və susuzluğunu yada
    salın.
    Aranızdakı ehtiyaclı və yoxsul insanlara əl tutun! Böyüklərinizlə
    hörmətlə davranın. Uşaqlarınıza nəvaziş göstərin. Yaxınlarınıza baş
    çəkin və onlara yardım edin. Dilinizi pisliklərdən qoruyun. Gözlərinizi
    haram baxışlardan saxlayın. Qulaqlarınıza haram eşıtdirməyin. Camaatın
    yetim uşaqlarına mehribanlıq edin ki, sizin yetimlərinizlə də mehriban
    olsunlar. Günahlarınızın bağışlanması üçün Tanrı dərgahına üz
    gətirib, tövbə edin. Hər namaz vaxti əllərinizi Onun qarşısında aciz qul
    kimi açaraq, dua edin. Çünki, (namaz vaxtı duaların qəbul olunması üçün)
    vaxtların ən yaxşısıdır. Allah-Təala bu vaxt öz bəndələrinə rəhmət və
    mərhəmətlə baxar. Bəndəsinin istək və xahişlərini eşidər.
    Çağırışlarına cavab verər. Dualarını qəbul edər.
    Ey camaat! Nəfsləriniz əməllərinizin girdabındadır. Allahdan
    bağışlanmanızı istəməklə onları azad edin. Belləriniz günahlarınızın
    ağırlığı ilə əyilmişdir. Uzun səcdələrlə onların ağırlığını
    azaldın. Bilin ki, Uca Yaradan namaz qılanları, səcdə edənləri əzaba düçar
    etməyəcəyinə və onları (namaz əhlini) Qiyamət günü insanların hesab
    verdiyi zaman Cəhənnəm əzabı ilə qorxutmayacağına söz vermişdir.
    Ey camaat! Hər kəs bu ayda oruc tutan bir möminə iftar süfrəsi açarsa,Tanrı
    dərgahında bir qulu azad etmək qədər dəyəri, savabı vardır. Və bu iş onun
    keçmiş günahlarının bağışlanmasına səbəb olar.
    (Bir nəfər soruşdu: ”Ey Allahın Rəsulu(s)! Bizim hamimizın imkanı yoxdur
    ki, kimisə qonaq etsin. Nə edək?”)
    Peyğəmbər (s) buyurdu: ”Yarı xurma dənəsini sədəqə verməklə də, olsa
    Cəhənnəm atəşindən qorunun. Bir qurtum su ehsan etməklə də, olsa
    Cəhənnəm odundan qurtulun.
    Ey camaat! Hər kəs bu ayda öz əxlaqını, rəftarını
    gözəlləşdirsə,ayaqların Sirat körpüsündə vəhşətdən titrədiyi an, ona
    bu körpüdən qorxusuz olaraq keçməyə icazə verilər. Hər kim bu ayda öz
    qullarının (həmçinin işçilərinin) zəhmətini azalda, Allah-Təala
    Qiyamətdə onun işini asanlaşdırar. Hər kim bu ayda insanlara zəhmət,
    əziyyət verməyi azalda, Uca Tanri o biri dünyada ona qarşı qəzəbini azaldar.
    Hər kəs bu ayda bir yetimi əzizləyə, Allah Axirətdə onu əzizləyəcəkdir.
    Hər kim bu ayda öz yaxınlarını yoluxmağa gedə, Böyük Allah Qiyamətdə ona
    rəhm edəcəkdir. Kim bu ayda qohumları ilə əlaqəni kəsərsə, QadirAllah o
    biri dünyada ona rəhm etməyəcəkdir. Kim bu ayda müstəhəb namaz qılarsa,
    Tanrı ona cəhənnəm odundan bəraət  verər. Kim bu ayda vacib namaz qılarsa,
    başqa aylarda qılınan yetmiş namaza bərabərdir. Kim bu ayda mənə çox
    salavat göndərərsə,Allah Qiyamət gÃ
    ¼nü əməl tərəzisi yüngül gələndə, onu ağırlaşdırar. Hər kəs bu ayda
    Qurani-Kərimdən bir ayə oxuyarsa, o biri aylada bütünlüklə oxunmuş Qurana
    bərabərdir.
    Ey camaat! Bu ayda Behiştin qapıları açıqdır. Allahdan istəyin ki, bu
    qapıları sizin üzünüzə bağlamasın! Və həmçinin Cəhənnəmin qapiları
    da, bu ayda bağlıdır. Allaha yalvarın ki, onun qapilarını sizin üzünüzə
    açmasın. Bu ayda şeytan zəncirlənmişdir. Allaha iltimas edin ki, onu sizə
    hakim etməsin.
    Mən soruşdum:”Ey Allahın Rəsulu(s)! Bu ayda ən üstün əməllər nədir?”
    Peyğəmbər buyurdu:”Ey Əbülhəsən! Bu ayda ən üstün əməl Allahın haram
    buyurduğu işlərdən çəkinməkdir.”
    Elə bu vaxt Peyğəmbər(s) ağladı.
    Mən soruşdum: "Ey Allahın Rəsulu (s)! Nə üçün ağlayırsan?"
    Buyurdu: "Ya Əli(ə)! Mən ona görə ağlayıram ki, bu ayda sənə qarşı
    hörmətsizlik edəcəklər. Sanki səni namaz qılan halda görürəm, amma
    indiyədək gəlib-getmiş olan ən bədbəxt, ən namərd şəxs sənə elə bir
    qılınc zərbəsi vuracaq ki, saqqalın al-qana boyanacaqdır.
    Soruşdum: "EyAllahın Rəsulu(s)! Bu hadisə mənim dinə sadiq qaldığım
    haldamı baş verəcəkdir?"
    Buyurdu(s): "Bəli, elədir." Sonra isə əlavə etdi: "Ya Əli(ə)! Sənin canına
    qəsd edən kəs,mənim canıma qəsd etmişdir. Səni qəzəbləndirən şəxs
    məni qəzəbləndirmişdir. Səni təhqir edən şəxs məni təhqir etmişdir.
    Çünki sən mənə özüm kimisən. Sənin ruhun, mənim ruhum deməkdir. Uca Allah
    məni və səni yaratdı və seçdi. Məni peyğəmbər, səni də imam olaraq
    seçdi. Deməli səni rəd edən  şəxs, mənim peyğəmbərliyimi rəd etmişdir.
    Ya Əli (ə)! sən mənim vəsiyyim, övladlarımın (məndən sonraki nəslimin)
    atası, qızımın sevimli həyat yoldaşı və  istər mən həyatdaykən,
    istərsə də vəfat etdikdən sonra canişinimsən. Sənin əmrin, mənim əmrim
    və qadağan etdiyin hər şey də, mənim nəhyim sayılır. Məni
    peyğəmbərliyə seçən və ən yaxşi yaradılmış qəqar verən Allaha and
    olsun ki,Sən Tanrının bəndələrinə höccəti, imamı və Onun yer üzündəki
    xəlifəsisən!" ("Biharül-ənvar", Əllamə Məclisi, c. 96, səh. 356;
    "Əl-əmali", Şeyx Səduq, c. 1, səh. 295)
    TƏRCÜMƏ ETDİ:
    ƏFZƏLƏDDİN RƏHİMOV
    RAMAZAN AYINDA ORUC TUTMAĞIN FƏLSƏFƏSİ VƏ  BİR SIRA FAYDALARI
    1-NƏFSANİ İSTƏKLƏRİ CİLOVLAMAQ
    Oruc tutmaq insana öz şəhəvani və nəfsani, istəklərini cilovlamağa kömək
    edir. Nəticədə insan öz ağlını həris, azğın şeytani hisslərin
    zindanından azad edərək ruhunu hürriyyətə qovuşdurur. İmam Rza(ə) buyurur
    :" Oruc tutmaq şəhvət və ehtiras alovunu söndürər." ("İləlüş-şəraye",
    fəsil. 103, səh. 379 )
    Allaha xatir oruc tutan şəxs orucunu batil edən şəhəvani əməllərdən uzaq
    qalmaqla pis, xoşagəlməz işlərə arxa çevirərək qəlbini və əməllərini
    paklaşdırır. Bir sözlə oruc insanı ilahi təqvaya doğru yönəldir. Necə ki,
    Qurani-Kərimin Bəqərə surəsinin 183-cü ayəsində buyurulur:
    يَا أَيُّهَا الَّذِينَ آمَنُواْ كُتِبَ
    عَلَيْكُمُ الصِّيَامُ كَمَا كُتِبَ عَلَى
    الَّذِينَ مِن قَبْلِكُمْ لَعَلَّكُمْ
    تَتَّقُونَ
    "Ey möminlər!Oructutmaq sizə vacib oldu, necə ki, sizdən qabaqki ümmətlərə
    də vacib olmuşdu. Bəlkə (orucun vasitəsilə) təqvalı olasınız.”
    2-İNSANİ HİSSLƏRİ OYATMAQ
    Deməli, oruc tutmaq mənəvi hisslərin dirçələrək, inkişafına səbəb olur.
    Uca Yaradanın razılığını əldə etmək istəyən və Tanrı dərgahında
    orucunun ən ali şəkildə qəbul olunması üçün çalışan insan gözəl,
    bəyənilmiş işlərə əl atır. Belə ki, Ramazan ayında oruc tutmağın vacib
    buyurulması insanların aclıq və ehtiyacın nə olduğunu anlamaları
    üçündür. Bir ay oruc tutmaq hər kəsin,  xüsusilə də, zəngin və
    varlıların yoxsul insanların ehtiyaclarını və çətinliklərini dərk
    etmələrinə, onlara yardım əli uzatmalarına səbəb olur. İmam Rza(ə)
    buyurur: "Orucun insanlara vacib edilməsinin hikməti aclıq və susuzluğun nə
    olduğunu dərk etmələri xatirinədir." ("Vəsailüş-şiə", "kitabüs-soum",
    fəsil. 1 əbvabüs-soum, h. 3)
    İmam Sadiq (ə) də, bu barədə buyurur :" Allah Ramazan ayında oruc tutmağı
    insanlara ona görə vacib etdi ki, varlı və kasıb bərabər olsun."
    ("İləlüş-şəraye", fəsil. 108, səh. 378)
    3-İNSANLARA BAĞIŞLANMALARI ÜÇÜN FÜRSƏT VERMƏK
    Şübhəsiz rəhmət və mərhəmət ayı olan Ramazanda oruc tutmağın vacib
    edilməsi insanların günahlarını bağışlatmaları üçün onlara bu mübarək
    ay ərzində verilən dəyərli bir fürsətdir. Şeytanın həbs edildiyi, saleh
    əməllərin düşünüldüyündən dəfələrcə üstün dəyərləndirildiyi və
    hətta mübah işlərin də, savab sayıldığı bu bərəkətli ay, hər bir
    möminin qurtuluş ayi ola bilər. Əlbəttə ki,şeytanı oruc tutan insanların
    pak əməlləri həbs edir. Unutmaq olmaz ki, Həzrət Məhəmməd(s) buyurur: "Oruc
    tutmaq şeytanın üzünü qara edər." ("Vəsailüş-şiə", babüs-soum, fəsil.
    1, h. 2)
    Sözsüz ki, bu fürsətdən yalnız həqiqi oruc tutanlar faydalana bilər.
    Allahın sevimli Rəsulu(s)hədislərin birində Cabirə buyurur :" Hər kəs oruc
    tutub, gecənin bur hissəsini ibadət edə, qarnını, ehtirasını və dilini
    günah işlərdən qoruya, bu aydan çıxdığı kimi bütün günahların
    girdabından da, bağışlanmış halda çlxar."
    Cabir deyir: "Necə də gözəl hədisdir?"
    Peyğəmbər(s) buyurur: "Ey Cabir! De ki, nə yaman çətin şərtlərdir. Çünki,
    nə çox gecə namazı qılan şəxslər ki, ( etdiyi başqa pis əməllərinə
    görə) ondan bəhrəsi yalnız elə oyaq qalmaqdır. Və nə çox oruc tutan
    şəxslər ki, (etdiyi başqa pis əməllərinə səbəbilə) ondan bəhrəsi
    yalnız aclıq və susuzluqdur. Bilin hər kəs Ramazan ayını oruc tuta ,bu ayda
    haramdan , böhtandan uzaq ola Allah ondan razı olar və behişti ona vacib
    bilər." ("Vəsailüş-şiə", c. 93, səh 346)
    4-QƏLBƏ TƏSKİNLİK VERMƏK
    Oruc tutmaq qəlbə təskinlik verir. Necə ki, Həzrət Əli(ə) buyurur: "Oruc
    insanın qəlbini aramlaşdırmaq, sakitləşdirmək üçündür."
    ("Vəsailüş-şiə", babüs-soum, c. 3, h. 5) Məlumdur ki, oruc tutan insan,
    Allahın əmrinə görə oruc tutub, pis əməllərdən çəkindiyi üçün daim Onu
    yad edir, elə bu səbəbə də, aram, sakit qəlbə sahib olur. Qurani-Kərimin
    buyurduğu kimi;
    أَلاَ بِذِكْرِ اللّهِ تَطْمَئِنُّ الْقُلُوبُ
    "Bilin ki, Allahı yada salmaqla, qəlblər rahatlıq tapar." (Rəd surəsi,28-ci ayə)
    5-SAĞLAMLIGI QORUMAQ
    Əziz Peyğəmbərimiz(ə) buyurur : "Oruc tutun ki, sağlam olasınız." ("
    Vəsailüş-şiə", c. 93, səh. 344)
    Oruc tutmağın faydalarından biri də, bədənin sağlamlığını qorumaqdır.
    İslamın göstərişlərinə uyğun şəkildə oruc tutmaq insan sağlamlığında
    böyük təsirə malikdir. Hətta oruc tutmağın bir çox xəstəliklərin
    müalicəsi üçün dünya səviyyəsində həkimlər və təbiblər tərəfindən
    dəfələrlə məsləhət görülmüşdür. İmam Sadiq(ə) bu barədə belə
    buyurur :" Hər bir şeyin zəkatı vardır, bədənin də zəkatı, oruc
    tutmaqdır." ("Camei-əhadisüş-şiə", kitabüs-soum, c. 10, səh. 294)
    Əziz müsəlman bacı və qardaşlar! Unutmayın ki, bu bərəkət və rəhmətlə
    dolu Ramazan ayı sizin ilahi mərhəmətinə qovuşmağınız üçün ən gözəl
    vaxtdır. Bu fürsəti əldən verməyin.
    ALLAH ORUC VƏ NAMAZLARINIZI QƏBUL ETSİN. AMİN!

    Müəlliflər: 
    Əfzələddin Rəhimov                   Tofiq Əsədov
    Категория: Dini meqaleler | Добавил: media-islam (03.09.2008)
    Просмотров: 2226 | Рейтинг: 4.3/3
    Всего комментариев: 0
    Добавлять комментарии могут только зарегистрированные пользователи.
    [ Регистрация | Вход ]
    Qadın və ailə
    Axtar
    Linklər