Azərbaycan və Ermənistan prezidentləri arasında görüş gələn ay keçiriləcək. Bu barədə jurnalsitlərə açıqlamasında xarici işlər naziri Elmar Məmmədyarov Ermənistanın xarici işlər naziri Eduard Nalbandyanla görüşünü şərh edərkən bildirib. “Bu ilk görüşümüz idi və tanışlıq xarakteri daşıyırdı. Belə qərara gəldik ki, danışıqları davam etdirməliyik. Güman ki, iyun ayında prezidentlər səviyyəsində görüşlər keçiriləcək. Ermənistanda prezident yeni seçilib. Yeni hakimiyyətlə görüşdə bəlli olacaq ki, onlar sülhə razıdırlar, yoxsa yox. Mən bir daha Azərbaycanın mövqeyni bildirdim ki, məsələ Azərbaycanın ərazi bütövlüyü kimi həll olunmalıdır”, deyə nazir bildirib. /ANS TV/