Bu gün Şəhidlər Xiyabanının yaxınlığnda yerləşən məsciddə cümə namazı üçün gələnlər yenidən polislə üzləşiblər. Belə ki, polis məscidə gələnlərin qabağını kəsərək onları həyətə buraxmayıb. ANS PRESS-in məlumatına görə, əhaliyə bildirilib ki, məscidin içi namaz qılmaq üçün gələnlərlə tamamilə dolub. Məscidin həyətində isə namaz qılmaq qadağan olunub. Amma dindarlar ibadətlərini bitirib çıxdıqca, polis çöldə gözləyənlərin bir-bir məscidin içinə daxil olmasına icazə verib. Xatırladaq ki, Dini Qurumlarla İş üzrə Dövlət Komitəsi təhlükəsizliyin təmin olunması məqsədilə müvəqqəti olaraq məscidlərin ətrafında namaz qılmağın qadağan olunduğunu bildirmişdi. ANS PRESS