İraqın paytaxtı Bağdatda 4 gündür tətbiq olunan küçəyə çıxma qadağası bu səhər ləğv olundu.
   
    İraqın paytaxtı Bağdatda 4 gündür tətbiq olunan küçəyə çıxma qadağası bu səhər ləğv edildi.
    Qadağanın ləğvi, Muktəda əs Sədrin Mehdi Ordusuna, hökumət hərbiçiləri ilə vuruşmağı dayandırma təlimatı verməsinin ardından həyata keçirildi.
   
    Bağdat və digər şəhərlərə yayılmadan əvvəl Basrada başlayan və günlərdir davam edən qarşıdurmalarda yüzlərlə insan həyatını itirmişdi.
   
    İraqlı Şiə lideri Muktəda əs Sədr, Mehdi ordusu döyüşçülərinə küçələrdən çəkilmələri və istər Bəsrə istərsədə digər şəhərlərdə hökumət hərbiçilərinə qarşı döyüşməyə son vermələri tələb etmişdir.
   
    Sədrin Nəcəfdəki bürosundan verilən açıqlamada, "Dini məsuliyyət, İraqlıların qanının axmasını dayandırmaq, İraqın birliyini qorumaq, işğalçıların İraq xalqı arasında yaymağa çalışdığı fitnəyə son vermək üçün, Bəsrə və digər vilayətlərdəki silahlı mövcudiyyətə son verilməsi çağırışında oluruq" dedi.
   
    Muktəda Sədr Mehdi ordusunu bu qarşıdurmalarda məsuliyyət daşımadığını, hökumətin bu qarşıdurmalarda məsuliyyətli olduğunu vurğuluyaraq dini alimlərdən (Ayətullah Sistani) aldığı göstərişə görə bu qarşıdurmaya səbəb ola biləcək hər bir addımdan Mehdi ordusunun çəkinəcəyini bildirib.