Sayğac
Onlayn: 1 Qonaq: 1 İsifadeçi: 0
|
Главная » 2008 » Aprel » 8 » İSLAMYÖNLÜ SAYTLARA QARŞI TEXRİBATÇILIQ
14:52 İSLAMYÖNLÜ SAYTLARA QARŞI TEXRİBATÇILIQ |
 Ötən nömrəmizdən məlum olduğu kimi, martın 10-da ölkədə fəaliyyət göstərən «İslam-azəri» və «Deyerlər.org» İslamyönlü saytlar xakkerlərin hücumuna məruz qalıb. Sözügedən saytlar dağıdıldığından fəaliyyətləri bir neçə gün dayanıb. Saytların kimlər tərəfindən, hansı məqsədlərə görə hücuma məruz qaldığını, fəaliyyətlərinin bərpası istiqamətində tədbirlərin həyata keçirilib-keçirilmədiyini dəqiqləşdirmək üçün «İslam-azəri»nin baş redaktoru Ramin Bayramovla əlaqə saxladıq.
R.Bayramovun sözlərinə əsasən, «Deyerlər.org» saytını dağıtdıqdan sonra xakkerlər «İslam-azəri»ni hədəfə alıblar. Bu, adi bir hal kimi dəyərləndirilib və sayt 7 saata bərpa edilib. Amma «İslam-azəri»nin ikinci dəfə dağıdılması məsələnin çox ciddi və düşünülmüş bir plan olduğunu üzə çıxarıb. O baxımdan saytın işçiləri araşdırmalarını gücləndiriblər və məlum olub ki, sayta xarici ölkələrdən paralel şəkildə iki xakker tərəfindən zərər yetirilib.
Konkret olaraq «İslam-azəri»nin sionist təxribatçılar tərəfindən dağıdıldığını dilə gətirən baş redaktor bunun səbəbini də açıqladı: «Saytımızda İsrailin Fələstində törətdiyi vəhşiliklər, ABŞ tərəfindən müsəlman ölkələrinə yönəlmiş cinayətlər barədə məlumatlar, fotoşəkillər, videgörüntülər yayınlanır. Peyk antenalarında, Fələstin və digər xarici ölkə televiziyalarında nümayiş etdirilən ən son hadisələrin videoxəbərlərini insanlar 2-3 saatdan sonra saytımız vasitəsilə izləyə bilirlər. Bütün bunlar barədə tamaşaçılar və oxucular nə mətbuatdan, nə də televiziya kanallarından məlumat əldə edə bilirlər. Qeyd edim ki, «İslam-azəri» yarandığı gündən sionizmin qəddar və qaniçən hərəkətlərini, törətdiyi cinayətləri olduğu kimi işıqlandıraraq, hadisələr barədə insanlara əsl həqiqəti çatdırır. Ona görə də anti-sionist mövqeyimizdən narahat olanlar saytlarımıza hücuma başlayıblar».
Ramin bəy bildirdi ki, adətən xakkerlərin hücumları zamanı sayıtlar tamamilə dağıdılır. Amma xoşbəxtlikdən «İslam-azəri» yaxşı hazırlandığından təxribatçılar saytı tam ələ keçirə və arxivini dağıda bilməyiblər. Odur ki, saytın fəaliyyəti hadisədən bir neçə gün sonra bərpa edilib.
Müsahibim Novruz bayramından sonra «İslam-azəri.ru» saytının da fəaliyyətə başlayacağı barədə məlumat verdi. Bu saytı isə rus dilli vətəndaşlarımız, Rusiyada İslama yaxın insanlar da izləyə bilərlər. «İslam-azəri.ru»da video bölüm də olacaq.
Müsahibim son hadisədən sonra tutduqları mövqedən nəinki çəkiləcəklərini, əksinə, Allaha xatir və haqq naminə daha irəli addım atacaqlarını bildirdi: «Haqqı, əsl həqiqətləri gizlətmək bizim məramımız deyil. Düşmənlərin bizə qarşı yönəlmiş dağıdıcılıq missiyasına adekvat olaraq saytımızın fəaliyyətini möhkəmləndirib genişləndirəcəyik.
Yeri gəlmişkən, «İslam-azəri» yeni fəaliyyətə başlayanda da xakkerlərin hücumu ilə üzləşmişdi. Ondan sonra saytın simasını tamamilə dəyişdik. Əgər əvvəllər 50-60 nəfər izləyicimiz vardısa, artıq bu gün 1800-2000 dəfə «İslam-azəri» saytının səhifələri açılır. Bu da Azərbaycanda İslamyönlü sayt üçün böyük bir göstəricidir».
Islaminsesi.az
|
|
Категория: ÖLKƏMİZDƏ |
Просмотров: 1498 |
Добавил: al-shia
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
|
