Ilk dini təhsilini atası Molla Zeynaldan alıb. Daha sonra təhsilini kamilləşdirmək üçün Iranın Qəzvin şəhərinə yollanır. Bir müddət orada müxtəlif elmləri mənimsəyir.

Dəfələrlə Məşhəd, Kərbəla, və Hacc ziyarətində olub. Axund Hacı Abdullah vətənə döndükdən sonra ruhanilikdən başqa, geniş torpaq sahəsinə sahib olduğundan taxılçılıq və zəfərançılıqla məşğul olub.

Bilgəhdəki Cümə məscidi hicri qəməri tarixi ilə 1310- cü ildə onun təşəbbüsü ilə tikilmişdir. Dörd oğlu olub. H.Həbib, Molla Baba (Molla Baba Iranın Qəzvin şəhərində təhsil alarkən 22 yaşında vəfat edib.) H. Ruhullah (Bilgəh məscidinin axundu kimi fəaliyyət göstərib.) Məmməd Nəbi. Qızları isə Gülsüm, Tutu, Leyla.

Axund Hacı Abdullah 1922- ci ildə dünyasını dəyişib.

 Bir faktı qeyd edək ki Bilgəh kəndində bir çox Ruhani alimlər olub. Onlardan Molla Rüstəməli (Şeyx Əli), Molla Mehdi, Molla Məhəmmədəli (Balaca axund), Hacı Axund, Hacı Ruhullah, Şeyx Baqir (Müctehid), Hacı Həbib, Mir Sahib kimi ruhanilərin adlarını çəkmək olar. Lakin onların həyatı barədə heç bir məlumat yoxdur.