Azərbaycanda fermerlərin əsas problemləri kredit almağın çətinliyi və hazır məhsulun saxlanmasıyla bağlıdır. Amerikanın Beynəlxalq İnkişaf Agentliyi (USAİD) regionlarda qeyri-neft sektorunun inkişafı üçün apardığı işlərdən sonra bu qərara gəlib. USAİD-in eksperti Skott Teylor bildirib ki, Azərbaycanda fermerlərin qarşılaşdıqları əsas problemlərdən biri kreditin əldə olunmasıyla bağlıdır. "Digər problemlər texnologiya və informasiya ötürülməsi ilə bağlıdır. Fermerlərin əksəriyyətinin xarici və daxili bazarlar haqqında məlumatları azdır. Bundan başqa, fermerlərin istehsal elədiyi malların saxlanması ilə bağlı da problemləri var. Regionlara xas olan işıq, su və digər problemlər də fermerlərin işinə mənfi təsir edir”, deyə S. Teylor qeyd edib./ANS TV/