Bu gecə Moskvanın cənubi-şərqində Stavropol küçəsi, ev 20, 919 saylı orta məktəbin futbol meydançasında ermənilərlə ruslar arasında kütləvi qaşıdurma olub. RİA Novosti agentliyinin məlumatına görə, təqribən 16-24 yaşlı şəxslərin davası zamanı beş nəfər xəsarət alıb. Qarşıdurma zamanı hər iki tərəf travmatik silah və beyzbol ağaclarından istifadə edib.
Şahidlərin sözlərinə görə, davada təqribən 25-30 nəfər iştirak edib. İnsident 3 dəqiqə davam edib və hüquq mühafizə orqanlarının hadisə yerinə gəlişindən sonra dava iştirakçıları hadisə yerindən qaçıb. Xəstəxanaya müraciət edən beş nəfərdən isə biri xəstəxanaya yerləşdirilib. Milis əməkdaşları 9 nəfəri saxlaya bilib. Hazırda onların ifadəsi alınır.
Mübahisənin səbəbləri müəyyənləşdirilir. Hadisə yerində dörd beyzbol ağacı, açılıb-bükülən bıçaq, iki atılmış giliz və travmatik silaha məxsus 9 mm-lik kalibrli patron götürülüb. /ANS PRESS/