Bu gün Gülüstan sarayında Küveytin vəqflər və dini işlər naziri Adil Abdulla əl-Təlahın "Heydər Əliyev və milli-mənəvi dəyərlər" kitabının təqdimatı keçirilib. ANS PRESS-in məlumatına görə, kitab ərəb dilində yazılıb, ingilis, rus və azərbaycan dillərinə tərcümə edilib. Tədbirdə çıxış edən bütün Qafqazın Şeyxi Hacı Allahşükür Paşazadə bildirib ki, kitabda Heydər Əliyevin ziyarətgahlara ehtiramı əksini tapıb.
"Kitabda İslam dininə fanatizim damğası vurmağa cəh edənlərə Heydər Əliyevin barışmaz mövqeyi, verdiyi tutarlı cavablar yer alıb. Kitabın əhəmiyyətindən biri də onun ərəb dilində yazılması və tərcümə edilməsidir. Bu kitab Heydər Əliyevin müdrik siyasətinin təbliği üçün geniş imkanlar açır".
Prezidentin İcra Aparatının rəhbəri Ramiz Mehdiyevdə kitabı Azərbaycanın siyasi mədəni həyatının mühüm hadisələrindən biri kimi qiymətləndirib. Onun sözlərinə görə, Heydər Əliyev şəxsiyyəti həmişə öz unikal, tarixi, milli-mənəvi səviyyəsi ilə siyasətçilərin marağına səbəb olub. "Heydər Əliyevin idarəçiliyində dini amil cəmiyyətdə xüsusi əhəmiyyət kəsb edən məsələlərdən idi. Milli-mənəvi faktor onun dövət idarəçiliyi baxışlarında mühüm yer tuturdu"./ANS PRESS/