Dünya və axirət xanımlarının seyyidəsi, Rəsuli-Əkrəmin (s) gözünün işığı, Mürtəzanın (ə) munis sirdaşı, Həsəneynin (ə), Zeynəbin (s.ə.), Ümmü Gülsümün (s.ə.), şəhid Möhsinin əziz anası Həzrəti Fatimeyi-Zəhranın (s.ə.) şəhadəti günüdür. Dünyanın hər bir guşəsində, o cümlədən vətənimiz Azərbaycanda bu hüznlü tarixlə əlaqədar Əhli-beyt sevərlər tərəfindən anım mərasimləri keçirilmişdir.İçərişəhər “Cümə” məscidinin dini icması 20 günlük “Əyyami-Fatimə”ni gündəlik əza məclislərinin təşkili ilə qeyd etmişdir. “Əyyami-Fatimə”nin yekununda – iyun ayının 7-də icma, İmam Museyi-Kazım (ə) yadigarı Həzrət Həkimə xanımın (r.ə.) mutəhhər hərəminin ziyarətini yerinə yetirmişdir.
Təmir işləri ilə əlaqədar mutəhhər hərəm dörd tərəfdən hasara alındığı üçün, zəvvarlar Qərib İmamım (ə) qərib bacısını hasarın arxasından ziyarət etmişdir.
|
