Главная » 2008 » Mart » 15 » Hacı İlqar İbrahimoğlu: "Quran mentiqi bütün zamanlar üçün müasirdir"
09:12 Hacı İlqar İbrahimoğlu: "Quran mentiqi bütün zamanlar üçün müasirdir" |
 Türkiyə ilahiyyatçılarının İslamın yeni modelini hazırlaması barədə qəzetimizdə xəbər vermişdik. Xəbərdə Türkiyə Dinayət İşləri Bakanlığının dəstəyi ilə Ankara Universitetində bir qrup ilahiyyatçı alimin Quranın yeni beşcildlik təfsirini hazırladığı bildirilirdi. Dünya mətbuatında yer alan xəbərlərə görə, alimlərin əsas məqsədi Həzrət Muhəmməd Peyğəmbərin (s) mübarək deyim və hərəkətlərinin müasir dövr üçün izahını verməkdir. İlahiyatçı alimlər bu məqsədlə bir çox hədisləri yenidən işləmək qərarına gəliblər.
Türkiyəli ilahiyyatçılar bu yolla şəriətdə nəzərdə tutulan bir çox qaydaları, o cümlədən ölüm cəzasının icra üsullarını dəyişmək niyyətindədirlər. Beynəlxalq ekspertlər isə bu səyləri sünnü təriqətinin müasir dəyərlərə uyğunlaşdırılması istiqamətində atılan addım hesab edirlər. Quranın və hədislərin yeni təfsirinin hazırlaması işinə Azərbaycan ilahiyyatçılarının münasibətini öyrənmək qərarına gəldik.
İlahiyyatçı-filosof, İçərişəhər «Cümə» məscidinin imam-camaatı, Dini Etiqad və Vicdan Azadlıqlarının Müdafiə Mərkəzinin rəhbəri Hacı İlqar İbrahimoğluya görə, aparılan işlər barədə qəti fikir söyləmək tezdir: "Çünki məsələnin mahiyyət etibarilə nədən getdiyi hərtərəfli aydın deyil. İkinci və üçüncü əllərdən bu və ya digər mətbu orqanın vasitəsilə yalnız şərhlər verilir. Amma iş bundadır ki, mübarək İslamın və Quran məntiqinin liberallaşdırılmasına ehtiyac yoxdur. Çünki İslam məntiqi hər zaman müasirliyini qoruyub saxlayır. Bu mənada düşünürəm ki, təqdimat, ola bilsin yanlış verilib. Belə bir halın baş verəcəyinə inanmıram".
Hacı İlqar türkiyəli ilahiyyatçıların Quranın liberallaşdırılmasına yox, çox güman ki, şəriətin yeniləşməsinə yönəlik çalışmalar apardıqlarını bildirdi: "Yəqin ki, söhbət ondan gedir ki, İslami məktəblər içərisində İmam Cəfər Sadiq əleyhissəlamın İslam hüquq məktəbindən kənar dörd digər hüquqi məktəb var. Bu məktəblər konseptual tarixi yanaşma tərzinə hələ də sadiq qalırlar. Lakin İmam Cəfər Sadiq əleyhissəlamın Əhli-beyt məktəbində hər zaman ictihad, yəni dini məsələlərə məkan və zaman baxımından yanaşma var. Digər tərəfdən, əgər ictihadın qapılarını açmaq istəyirlərsə, buna müsbət yanaşıram. Digər dörd - Hənəfi, Həmbəli, Şafei, Maliki məktəblərinin qapıları bağlıdır. Bu məsələyə metodoloji baxımdan yanaşmaq istəyirlərsə, bunu da alqışlayıram. Amma hazırda kiminsə İslamın liberallaşdırılmasını istəməsi məsələsinə gəldikdə isə, birmənalı şəkildə münasibət göstərmək çətindir. Çünki hələ geniş açıqlamalar verilməyib".
Leyla İLQAR
«Yeni Müsavat»
“Deyerler” AİN (www.deyerler.org)
|
|
Категория: Müsahibe |
Просмотров: 1487 |
Добавил: al-shia
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
