İslam-Azeri-nin İran mətbuatına istinadlı xəbərinə görə:
   
    İslam İnqilabının Rəhbəri Ayətullah Xamenei Novruz Bayramı münasibəti ilə İran xalqı və bütün dünya müsəlmanlarını təbrik edərək, 1378-ci günəş ilinin başlanması münasibəti ilə etdikləri müraciətində ölkə rəsmilərindən bütün sahələrdə yeniçiliyə optimal zəmin yaratmalarını və cəmiyyətdə bütün təbəqələrə xüsusi ilə məhrum təbəqələrə xidmətlər göstərmək və İranın inkişafı və abadlaşması uğrunda addım atmalarını istəyib.
   
    İslam İnqilabının Rəhbəri Ayətullah Xamenei, habelə bu müraciətlərinin digər bir hissəsində ölkə rəsmilərindən bütün beynəlxalq sahələrdə şücaətlə və müdrikliklə proqramlaşdırmalarını və İran xalqının bu sahələrdə gün-gündən artan nailiyyətlərinə optimal şərait yaratmalarını istəyib.
   
    Ayətullah Xamenei ölkənin milli əzizliyi və qudrətini nəzərə alaraq ölkə rəsmilərinin düşmənlərin ekspansionist siyasətləri qarşısında möhkəm dayanmalarını istəyib.
   
    O həmçinin ölkə rəsmiləri vətəndə cəmiyyətin inkişafı uğrunda, daha sürətlə və müntəzəm şəkildə addımlar atmalarını və gələn nəsllər üçün irs olacaq işləri həyata keçirmələrini vacib sayıb.