Çinin qərbində müsəlmanların çoxluq təşkil etdiyi bölgələrdə, mübarək ramazan ayı ərzində Çin hökumətinin müsəlmanlara qarşı həddən artıq sərt davrandığı bildirilir-- "dünyabulteni" xəbər verir.
Verilən xəbərlərə görə çin polisi mübarək ayın başladığı müddətdən etibarən müsəlmanların saqqallarının qırxılmasına məcbur etmişlər. Amerikanın "AP" agentliyinə müsahibə verən Arem adlı bir çinli müsəlman -- "Əgər saqqalımı qırxmasaydım, əvvəlcə polis mənə xəbərdarlıq edəcəkdi.
Əgər bir söz desəydim dərhal həbs oluna bilərdim" deyə bildirmişdir. Çinin müsəlmanlar yaşan bölgələrində son zamanlar müsəlmanlara qarşı güclü təzyiq dalğası başlamışdır. Hətta bəzi bölgələrdə, məktəblərdə tədrislə məşğul olan müəllimlərin oruc tutmasına qadağa qoyulduğu bildirilir. Məscidlərdən səsgücləndirici və yaxud digər vasitəsitələrlə mübarək ramazan ayı haqqında hər hansı maarifləndirici bilgilərin verilməsinə qadağa qoyulmuşdur.
Müsəlmanların cəm halda bir yerə yığışmasına icazə verilmir. Məscidlərdə müsəlmanlara qarşı təzyiqlər xüsusən mübarək ramazan ayı ərəfəsində dahada şiddətlənmişdir. Ramazan ayı boyunca gün ərzində restoranların açıq olması tələb edilir. Hökuməti təşkil etdiyi "tur" şirkətindən xaric heç bir şirkət müsəlmanların həcc ziyarətinə getməsini təşkil edə bilməz.
Qeyd edək ki, Çinin uyğurlar yaşayan bölgəsində 20 milyona yaxın müsəlman yaşayır.
| 
