Meqaleler kataloqu
Şamaxı mütəkkəsi
Azərbaycan kulinariyası
Şamaxı mütəkkəsi
Tərkibi
Xəmir üçün: Əla növ buğda unu - 0,5 kq, yumurta - 2 ədəd, kərə yağı - 100 qr, süd - 1 stəkan, şəkər kirşanı - 50 qr, maya - 10 qr, duz.
İçlik üçün: Ərik povidlosu - 100 qr, şəkər tozu - 100 qr, vanil – 13 qr, şəkər kirşanı - 50 qr (üzərinə səpmək üçün).
Hazırlanması qaydası
Maya isti süd içərisində açılıb, üzərinə yumurta, duz, şəkər kirşanı əlavə edilib qarışdırıldıqdan sonra ona un əlavə edilərək xəmir yoğrulur. Acımaq üçün xəmir 1,5 saat isti yerdə saxlanılır. Eyni zamanda ərik povidlosu şəkər tozu ilə qarışdırılıb qatı kütlə əmələ gələnə qədər bişirilir və soyudulur.
Xəmir 4-5 mm qalınlığında yayılıb üzərinə ərinmiş kərə yağı sürtülür və üçbucaqlar formasında kəsilir. Kəsilmiş xəmirlərin hər birinə içlik qoyulub, üçbucağın təpəsi məmulatın üstündə qalmaq şərtilə burulub borucuq şəklinə salınır. Məmulat 190-200 dərəcə temperaturda 15-20 dəqiqə ərzində duxovkada bişirilir və onu duxovkadan çıxaran kimi dərhal (isti-isti) üzərinə şəkər kirşanı səpilir.
|
| Категория: Halal süfrə | Добавил: media-islam (12.08.2008)
|
| Просмотров: 2946
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
