Hollandiyanın mətbuat şəhəri olan Hilversum yaxınlarındakı Huizen qəsəbəsində olan Səlimiyə Məscidində yanğın baş verib.
   
    Naməlum şəxslərin hücumu nəticəsində başlayan yanğın, məscidin anbar olaraq istifadə edilən hissəsinin tamamilə yanmasına səbəb olub.
   
    100-ə yaxın türk ailənin yaşadığı ərazidə, axşam radələrində baş vermiş hadisəyə, təxminən 500 metrlik bir məsafədə manevr edən xilasetmə qrupları müdaxilə edib.
   
    Yanğında insan itkisi olmasa da, məscidin anbarında, Türkiyəyə göndərilmək üçün alınmış 15 əlil arabası tamamilə yanıb.
   
    Səlimiyə məscidi dərnəyinin sədri belə hücumların onları qorxuda bilməyəcəyini və bundan sonra keçiriləcək tədbirdə 15 yox 100 əlil arabası alacaq yardımı toplaya biləcəklərini deyib. /ANSPRESS/