Bu gün Xalq artisti Həsənağa Turabovun doğum günüdür
Yaşasaydı bu gün 70 yaşı tamam olacaqdı. Bu gün Azərbaycanın böyük sənətkarı, Xalq artisti Həsənağa Turabovun doğum günüdür. 1938-ci ildə martın 24-də Bakıda anadan olub. 1956-1960-cı illərdə Mirzəağa Əliyev adına Azərbaycan Dövlət Teatr İnstitutunda Mehdi Məmmədovun kursunda aktyorluq təhsili alib. İnstitutu bitirdikdən sonra akademik Milli Dram Teatra qəbul edilib. Teatrda və kinoda bir sıra obrazlar yaradan Həsənağa Turabov sənətdəki uğurlarına görə, Xalq artisti adına layiq görülüb, “Şöhrət” ordeni, Avropa Türk Kültür İslam birliyinin qızıl medalı ilə təltif olunub. 15 il Akademik Milli Dram Teatrına rəhbərlik edən Həsənağa Turabov, ömrünün son günlərinə qədər teatr xadimləri ittifaqının sədri olub. Həsənağa Turabov Azərbaycanın səhnə əsərində 50-dən artıq rol oynayıb. Sənətkar oynadığı Gəray bəy, Qaçaq Nəbi rolları ilə əbədi olaraq tamaşaçıların yaddaşlarında yaşayır. Görkəmli sənətkar 2003-cü il, fevralın 23-də uzun sürən ürək çatışmazlığı xəstəliyindən sonra, 65 yaşında dünyasını dəyişib./ANS PRESS/
